香江多间航空公司，飞机上面多数都系得三种不同位置，手头紧嘅当然就坐经济位，想舒服就坐商务舱，要皇帝级享受就要上到头等｡
要享受就自然要付出，以剧飞(00293)一张来回香港伦敦机票为例，经济位剧飞网上报价要1﹒7万银一张，而商务舱就要贵多两倍，即系5﹒1万先有交易｡
畀多两倍钱都真系一个几大数目，所以为咗吸引一批想享受､又唔想使咁多嘅客仔，剧飞就学几间国际航空公司咁，好快就会推出｢高级经济位｣(Premium Economy)｡
顾名思义，呢个｢高级经济位｣喺比经济位｢高呢｣少少，空间大啲啲，但系价钱又相宜过商务舱，绝对系适合一班成日出差､公司又限制佢地坐经济位嘅｢宾架｣，因为高级经济位，都算系经济呀!
*潘石屹:政府是猫､地主是鼠*
喺祖国，一班地主同阿爷好似喺一盘棋局之上，你行一步，我就行番一步回应，互有攻守｡不过祖国其中一名地主，SOHO(00410)嘅潘石矻，面对阿爷再一次｢将军｣(新限购令)，佢就形容，依家双方系一个猫捉老鼠游戏，一众发展商系小老鼠､阿爷就系一头大猫｡老鼠对住猫又系唔系｢死路一条｣?潘石矻喺微博上面无认输之余，仲有少少竖起条老鼠尾向大猫挑衅嘅味道｡佢话咁多年嚟嘅不断调控，已经将一班老鼠训练出一身武功，大猫要捉老鼠唔系咁易｡
老鼠一向都系生命力顽强，善于应对变化求存，外表亦都系｢古古惑惑｣，睇嚟又有少少同祖国地主相似嘅地方｡不过猫有九条命，老鼠又系唔系真系咁易对付到大猫呢?(ms)
回复该发言