都话咗海湾者赢梗美联杯啦！呢支嚟自西雅图嘅球队，加入美职短短3年，喺美联杯未逢敌手，噚朝早以2:0击败芝加哥火焰，完成三连霸大业，大家有跟我顶爷买波嘅话，中到应一应啦！
不过赌波戆狗狗嘅李老板就傻仔喇！佢好拣唔拣，揾场英锦标嘅诺士郡拖埋我贴嘅海湾者过关2串1；讲真，诺士郡唔系唔好，不过呢场系杯仔中嘅杯仔赛事，啲球队有冇心打大家都唔知，就好似英超列强对联赛杯一啲都唔志在一样，而诺士郡依家喺英甲有机会争升英冠，佢哋专注联赛亦无可厚非，盲目以联赛表现去推断诺士郡赢波，实在太过冒险，依家诺士郡输咗真系冇得怨！好在佢都算识执生，临尾知道诺士郡唔掂，即刻补多飞海湾者单头W，虽然最后都冇钱赢，但都叫做攞番个本，唔使输！
睇番今日赛事依然系冇乜睇头，最劲嗰场竟然系我哋祖国主场友赛阿联酋。相信有好多球迷都同我顶爷一样，不嬲戒买国足，要赌我情愿继续玩美国波喇！听朝场温哥华白帽遇着皇家盐湖城，两队近况都衰到痹，温哥华固然系美职包尾球队，而盐湖城唔知系咪已经攞咗季后赛资格，成班友仔放软晒手脚，连输3仗，呢场波又系唔值得买主客和，不过盐湖城已连开4口大，倒不如追佢哋开多铺大仲好啦！
回复该发言